Plantun de Prouvènço

Pèr coumpara dos planto d'encò nostre

Sparganium angustifolium & Fraxinus excelsior

Varaioun(-di-fueio-estrecho)

Sparganium angustifolium

Typhaceae Sparganiaceae

Autre noum : Sagno.

Nom en français : Rubanier à feuilles étroites.

Descripcioun :
Aquéu varaioun pas forço grand e pulèu rare, trachis dins li lau de mountagno, en pleino aigo. Li fueio soun estrecho e loungarudo. Se destrìo dóu varaioun-nadant, Sparganium natans emé la baso de si fueio di proun engueinanto e proun gounflo (fotò). Coumpara emé lou varaioun-nadant que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1 m
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sparganium
Famiho : Typhaceae
Famiho classico : Sparganiaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 1 à 2 cm
Flourido : Estiéu

Sòu : Si
Autour basso e auto : 800 à 2600 m
Aparado : Noun
Juliet à setèmbre

Liò : Aigo - Lau
Estànci : Subaupen à Aupen
Couroulougi : Bourealo
Ref. sc. : Sparganium angustifolium Michx., 1803

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).